important centers of Indian national movement 

important centers of Indian national movement – माणसांना अंकुर फुटत आहेत ! –

ज्ञानेश वाकुडकर

28/9/2021,

एखाद्याला श्रीखंड म्हणून शेण चाटायचे असेल तर तो त्याचा प्रश्न आहे. पण जेव्हा श्रीखंड म्हणून शेणाचे मार्केटिंग करायला कुणी आपल्या दाराशी येईल, तेव्हा त्याला योग्य समज देणे आवश्यक असते. त्यात केवळ त्याच्या आवडी निवडीचा प्रश्न नाही, तर आपल्या विवेकबुद्धीसाठी देखील ते एक आव्हान आहे. अशा विकृतीला वेळीच विरोध झाला पाहिजे. नेमक्या वेळी आपण चूप राहतो आणि चोरांची हिम्मत वाढत जाते !

सत्य हे स्वयंभू असते. प्रामाणिकपणाही स्वयंभू असतो, स्वयंप्रकाशित असतो. त्याला कुणाच्या मान्यतेची गरज नसते. आपण खरंच प्रामाणिक आहोत का, एवढाच साधा मुद्दा असतो. ‘कुणी माझ्या प्रामाणिकपणाची कदर केली नाही, म्हणून मी बेईमान झालो’ असा कांगावा तिथे चालत नाही. त्याला काही अर्थ नसतो !

सत्य असत्याशी मन केले ग्वाही
मानियेले नाही बहुमता !

असं संत तुकोबाराय म्हणतात. अब्राहम लिंकन यांचा लोकांनी अनेकदा पराभव केला. बाबासाहेब देखील पराभूत झालेत, पण म्हणून ते रडत बसले नाहीत. ही वडा पिंपळाची झाडं आपल्याला सदैव सावली आणि प्रेरणेचा प्राणवायू देत राहतात.

जमिनीत खूप काही पडत असते. पण ज्या दाण्याला अंकुर फुटला त्याच्या जगण्याचं सार्थक झालं. काही दाणे दळून खाण्याच्या कामी येतात. पण कुजणाऱ्या दाण्यांची संख्याही काही कमी नाही. माणसाचं आयुष्य कुजून जाता कामा नये.

सध्या देश एका भयंकर वणव्यात होरपळत आहे. त्यातून त्याला बाहेर निघायचं आहे. ह्या वणव्याची तयारी आधीच सुरू झालेली असली, तरी त्याचा भडका मात्र २०१४ नंतर उडाला. लोक सैतानालाच महापुरुष समजायला लागले होते. आता लोक हादरले आहेत. वस्तुस्थिती लक्षात आली आहे. आपण कोणत्या मुर्खांच्या नादी लागलो होतो, याची खंत त्यांना जाणवते आहे. खुद्द सैतानाचे सोबतीही अस्वस्थ आहेत.

कोंडी फुटायला सुरुवात झाली आहे. चळवळींना राजकीय आकलन व्हायला लागले आहे. लोक बोलत आहेत. मोठ्या प्रमाणात व्यक्त होत आहेत. विविध पक्षांचे आहेत, विविध क्षेत्रातले आहेत, विविध भागातले आहेत, पण लोक अस्वस्थ आहेत. अशावेळी खऱ्या मार्गदर्शनाची गरज आहे. राजकीय दूरदृष्टीची गरज आहे. प्रचंड पडझड झाल्यानंतरच्या काळासाठी स्पष्ट आणि दूरगामी नियोजन काय असेल, याची गरज आहे ! मध्ये मध्ये घातपात देखील होतच राहतील, त्यानं खचून जाण्याची गरज नाही.

Also Read : https://www.postboxindia.com/kolhapur-police-local-crime-detection-team-kolhapur-police-performance/

काही पांढरे ढग असतात. नुसतेच गडगडाट करतात. क्वचित विजाही चमकतात. पण त्यातून पाऊस येत नसतो. असल्या ढगांच्या भरवश्यावर कोणताही शहाणा माणूस पेरणी करत नाही. बरसणारे ढग वेगळेच असतात. ते आम्हाला ओळखता आले पाहिजेत.

चळवळ कोणतीही असो, तिला राजकीय भान, राजकीय दिशा असली पाहिजे. आपल्या जगण्याशी निगडित कोणताही निर्णय राजकीय मंचावरुनच घेतला जातो, याचं भान आपणही ठेवलं पाहिजे. ‘आम्हाला राजकारणाशी काही देणं घेणं नाही’ असं बोलणारे लोक असोत किंवा चळवळी, त्या वैचारिक दृष्ट्या बिनकामाच्या आहेत. निरुपयोगी आहेत. समाजाला मागे नेणाऱ्या आहेत. त्यांच्यापासून मुक्त झालं पाहिजे.

राजकारण कुठं नाही ? ते तर संतांनी देखील केलं, महापुरुषांनीही केलं. राजकारणाच्या बाबतीत आपला फार चुकीचा समज करून देण्यात आला आहे. त्यामागे कारस्थान आहे. आपल्याला उल्लू बनवण्याचा तो सापळा आहे. राजकारणाबाबतचा आपला दृष्टिकोन बदलला पाहिजे. आपल्याला सकारात्मक राजकारण करता आलं पाहिजे. याचा अर्थ प्रत्येकानं निवडणुकीला उभं राहिलंच पाहिजे, असा मात्र नाही. योग्य राजकीय दिशा असलेल्या पक्ष, संघटनांना मदत केली पाहिजे. ओबीसी, बहुजन किंवा समतावादी लोकांना प्रस्थापितांच्या गुलामीतून मुक्त व्हायचे असेल, तर स्वतःच्या खिशाला हात लावायला शिकले पाहिजे. खर्च करायला शिकलं पाहिजे ! आपल्या कमाईतून काही निदान पाच टक्के हिस्सा त्यासाठी खर्च करावा लागेल. लोकांनी खर्च करावा आणि आम्ही मात्र आपली कोरडी अक्कल सांगून मोकळे होणार असू, तर काहीही होणार नाही. कुणीही आपल्या मुक्तीसाठी धाऊन येण्याचा प्रश्नच नाही. आपली लढाई आपल्यालाच लढावी लागेल.

आंबेडकरी चळवळीत राजकीय धग अंतर्भूत होती. ‘राज्यकर्ती जमात व्हा’ हे बाबासाहेबांनी स्पष्टपणे सांगून ठेवलं होतं. पण सध्या त्यांचंही काही खरं दिसत नाही. ओबीसी चळवळी मात्र अजूनही वैचारिक दृष्ट्या खंबीर दिसत नाहीत. त्याला कारण ओबीसी मधील धंदेवाईक नेतृत्व. ओबीसी तात्कालिक गोष्टींना भुलतो. ओबीसी चळवळींना योग्य दिशा देणारं नेतृत्व अलीकडे तरी निर्माण झालेलं नाही. ओबिसी चळवळीकडे स्वतःचा ठोस कार्यक्रम नाही. स्वतंत्र आणि कालसापेक्ष साहित्यही नाही. त्यामुळे राजकीय दिशाही नाही. इकडचं तिकडचं उधार उसनवार करून तो राजकीय भूमिका मांडत असतो. ५२ टक्के संख्या असलेल्या महाराष्ट्रात अजून एकही ओबीसी मुख्यमंत्री का झाला नाही ? असा साधा प्रश्न देखील आजवर कोणत्याही ओबीसी नेत्याला का पडला नाही. ओबीसी चळवळींना सुचला नाही ! गेल्या १३/१४ वर्षांपासून लोकजागर हा प्रश्न विचारत आहे. ही भूमिका घेवून नवी मांडणी करते आहे. त्याचा परिणाम देखील दिसायला लागला आहे. लोक बोलायला लागले आहेत.

प्रस्थापित पक्षांच्या दावणीला बांधलेल्या चळवळी आणि नेते आपल्याला न्याय देऊ शकत नाही. ते तुमच्या भल्याचा आव आणू शकतात, देखावा निर्माण करू शकतात, पण तुमचे खरे हक्क तुम्हाला देऊ शकत नाहीत.

त्यासाठी महाराष्ट्रात नवा राजकीय पर्याय उभा होणं गरजेचं आहे. तो सर्वसमावेशक असला पाहिजे. समतावादी असला पाहिजे. म्हणूनच ‘ओबीसी मुख्यमंत्री, बहुजन सरकार..’ हा अजेंडा घेवून आम्ही निघालो आहोत. केवळ घोषणा देवून, चालणार नाही. आर्थिक, सामाजिक, राजकीय अजेंडा आम्ही देण्याचा प्रयत्न केला आहे. ह्या कार्यक्रमाची सविस्तर मांडणी असलेले ‘समतावादी हिंदू धर्म आणि नवा भारत..’ हे पुस्तक एक महिन्यापूर्वीच प्रकाशित झाले. त्याची दुसरी आवृत्ती १० ओक्टोबर पर्यंत उपलब्ध होईल.

प्रस्थापितांच्या विरुद्ध लढायचं असेल, तर आपली साधनं आपल्यालाच उभी करावी लागतील. पैसा उभा करावा लागेल. माणसं जोडावी लागतील. चळवळींना खुल्या मैदानात आणावं लागेल. नवे नेते तयार करावे लागतील. अधिकारी, व्यापारी, उद्योजक, कर्मचारी, शिक्षक यांच्यासारख्या प्रत्येकानं आर्थिक मदत केली पाहिजे. ज्याच्या जवळ आहे, त्यानं आर्थिक भार उचललाच पाहिजे. ज्याच्याकडे वेळ असेल त्याने वेळ दिला पाहिजे.

काहीही असो, पण माणसं आता बोलायला लागली. त्यांच्या मनाला, मेंदूला, विचारांना राजकीय अंकुर फुटायला लागलेत! हे चित्र आशादायी आहे ! उत्सहजनक आहे ! पण त्याची गती वाढवावी लागेल ! रात्र वैऱ्याची आहे आणि हातात वेळ कमी आहे !

या नव्या अंकुरांना उद्या पालवीही फुटेल.. आणि त्यातूनच काही नवे महावृक्षही तयार होतील ! आपण चालत राहू या..

मी निघालो पुढे या क्षणापासूनी
जिंकण्याला कुठे तारखा पाहिजे ?

Also Visit : https://www.postboxlive.com

important centers of Indian national movement

ज्ञानेश वाकुडकर

Also Visit : https://www.postboxindia.com

Also Visit : https://www.postboxlive.com

Subscribe and be a part of the movement to make wisdom go viral :

https://www.youtube.com/channel/UCto0…

Subscribe our YouTube Channel :

https://www.youtube.com/channel/UCto0…

Postbox India Under rule 18 of the Information Technology (Intermediary Guidelines and Digital Media Ethics Code) Rules, 2021.

Ministry of Information & Broadcasting, Government of India. Postbox India is a News, Advertisement & Content Development Company.

Postbox India & Postbox live web Portal’s is Postbox India’s Leading Online Platform which is a best when it comes to Editorial, Blogs, Advertisement,

News Online. We Provide the best Authentic, Most Relevant Blogs and News for viewers who Always wants to read News Around the World.

Postbox India Services in to Media Sector, Government, Financial, Investment, Business Corporate Industry for News, Multimedia Content, National-International Advertising Products.

Website : https://www.postboxindia.com

Website : https://www.postboxlive.com

Facebook : https://www.facebook.com/indiapostbox

Instagram : http://www.Instagram.com/indiapostbox

LinkedIn : https://www.linkedin.com/in/postboxindia

Tumbler : https://postboxindia.tumblr.com/

Twitter : https://twitter.com/IndiaPostbox

Telegram : t.me/postboxindia